اسلام آباد:وزیرداخلہ شیخ رشیدکا کہنا ہے کہ دنیا بھارت کی پاکستان مخالف جارحیت کا نوٹس لے،بھارت شاید بھول بیٹھا تھاکہ پاک بحریہ ہمہ وقت مستعد اور چوکس ہے۔
میڈیا سے گفتگو کرتے ہوئے وزیر داخلہ نے کہا کہ آبدوز حمزہ کے دورے سے پاک بحریہ کی صلاحیتوں پر میرا یقین مزید پختہ ہو گیا، ملکی دفاع میں پاک بحریہ کی پیشہ ورانہ صلاحیتوں کاپہلے ہی بہت معترف ہوں۔
شیخ رشید نے پاک بحریہ کی پیشہ ورانہ صلاحیتوں کوخراج تحسین پیش کرتے ہوئے کہا کہ پاکستان میں داخل ہوتی بھارتی آبدوز کا پیشگی سراغ لگانے پر پاک بحریہ کو سلام پیش کرتاہوں ۔
