کراچی (سید وزیر علی قادری) متحدہ عرب امارات میں آئی سی سی ٹی ٹوئنٹی ورلڈ کپ کے دوسرے مرحلے سپر 12 کا آغاز ہوتے ہی کراچی سمیت ملک کے دیگر شہروں میں شائقین کرکٹ کا جوش و خروش عروج پر پہنچ گیا۔ کراچی سمیت ملک کے دیگر شہروں کے شاہرائوں، پارکس میں بڑی بڑی اسکرینیں لگادی گئیں۔ پاکستان کرکٹ ٹیم کے کھلاڑیوں کی قد آور تصاویر ، آئی سی سی ٹی ٹوئنٹی ورلڈ کپ کی ٹرافی چوراہوں کے کھمبوں پر آویزاں کردی گئیں۔
