ایبٹ آباد میں خاتون کے ہاں بیک وقت پیدا ہونے والے 7 بچوں میں سے 6 بچے جاں بحق ہوگئے ہیں۔
گزشتہ ہفتے ایبٹ آباد کے ضلع بٹگرام کے ایک نجی اسپتال میں خاتون کے ہاں بیک وقت 7 بچوں کی پیدائش ہوئی تھی۔ اہل خانہ کے مطابق 7 جڑواں بچوں کو جنم دینے والی 34 سالہ رخسانہ اور یار محمد پہلے سے 2 بچیوں کے والدین ہیں۔
والدین کا کہنا ہے کہ بچوں کی پیدائش پر ڈاکٹروں کی جانب سے کہا گیا تھا کہ 5 بچوں کی حالت خطرے سے باہر ہے اور 2 بچوں کو وینٹیلیٹر پر رکھا گیا تھا، آج 7 میں سے 6 بچے جاں بحق ہوگئے ہیں جبکہ آخری بچہ بھی وینٹیلیٹر پر موجود ہے۔
خیال رہے کہ خاتون کے ہاں پیدا ہونے والے بچوں میں 4 لڑکے اور 3 لڑکیاں شامل تھیں۔
