واشنگٹن(اے پی پی)امریکی انڈر سیکرٹر ی عذراضیا نے کہا ہے کہ پاکستان ، امریکا کے ساتھ مشترکہ مفادات ، اقدار اور دو طرفہ تعلقات کی مزید بہتری کیلیے مل کر کام کرنے کا خواہاں ہے۔ انسداد دہشت گردی،
انسانی حقوق کے تحفظ، مذہبی آزادی، اور انسانی ہمدردی کے تحت ، افغان عوام کی مدد کے حوالے سے دو طرفہ جاری مثبت بات چیت کو سراہتے ہیں،یہ بات انہوں نے ہفتہ کو واشگٹن میںپاکستانی سفیر ڈاکٹر اسد مجید خان سے ملاقات کے دوران کی۔امریکی انڈر سیکرٹری عذرہ ضیا نے پاکستانی سفیر کا پاک امریکا دو طرفہ تعلقات پر تفصیلی گفتگو کرنے پر ان کاشکریہ ادا کیا۔پاکستانی سفیر ڈاکٹر اسد مجید خان نے بھی گرمجوشی سے استقبال کرنے پر امریکی انڈر سیکرٹری کا شکر یہ اداکرتے ہوئے کہا ہے کہ پاکستان ،امریکا کے ساتھ دو طرفہ تعلقات اورشراکت کو بہت اہمیت دیتا ہے۔
