کوئٹہ (مانیٹرنگ ڈیسک) بلوچستان کے علاقے خاران میں دھماکے کے نتیجے میں 11 افراد زخمی ہو گئے جنہیں خاران اسپتال منتقل کر دیا گیا ہے، وزیر اعلیٰ بلوچستان قدوس بزنجو نے دہشت گردانہ کارروائی کی شدید مذمت کی۔ سیکورٹی حکام کے مطابق دھماکے میں 4 سے 5 کلو گرام دھماکا خیز مواد استعمال کیا گیا جو موٹر سائیکل میں نصب تھا۔ وزیراعلیٰ بلوچستان عبدالقدوس بزنجو کی خاران دھماکے کی مذمت کرتے ہوئے واقعہ کی تحقیقات کا حکم دیا ہے۔وزیراعلیٰ نے دھماکے میں بے گناہ افراد کے زخمی ہونے پر افسوس اور دکھ کا اظہار کرتے ہوئے کہا کہ ملک دشمن عناصر صوبے کا امن خراب کرنا چاہتے ہیں، اس طرح کی بزدلانہ کارروائیوں سے ہمارے حوصلے پست نہیں ہوں گے، وزیراعلیٰ کی جانب سے دھماکے میں زخمی افراد کو بہترین علاج و معالجہ فراہم کرنے کی ہدایت کی گئی ہیں۔
