اسلام آباد کے سیکٹر ایف الیون میں تیز رفتار گاڑی نے موٹر سائیکل سواروں کو ٹکر مار کر کچل دیا۔ ایک نوجوان جاں بحق، دوسرا شدید زخمی، دونوں نوجوان آپس میں سگے بھائی بتائے جا رہے ہیں۔
پولیس نے نوجوانوں کے والد کی مدعیت میں نامعلوم خاتون کیخلاف مقدمہ درج کر لیا ہے۔
ایس ایس پی آپریشنز سید علی اکبر کا کہنا ہے کہ پولیس نے ایف آئی آر درج کرکے اس حادثے میں ملوث خاتون کیخلاف تفتیش شروع کر دی ہیں۔
پولیس ذرائع کا کہنا ہے کہ گاڑی مبینہ طور پر معروف جیپ ریسر سلمیٰ خان کی ہے اور یہی اسے چلا رہی تھیں۔ تاہم وہ موقع سے فرار ہو گئیں۔
