واشنگٹن (انٹرنیشنل ڈیسک) امریکا کے سابق وزیر خارجہ اور اولین سیاہ فام جوائنٹ چیفس آف اسٹاف کولن پاول کو سرکاری اعزاز کے ساتھ واشنگٹن میں سپرد خاک کر دیا گیا۔ اس سے قبل واشنگٹن نیشنل کیتھڈرل میں ایک خصوصی دعائیہ تقریب منعقد ہوئی۔ اس موقع پر صدر جو بائیڈن، سابق صدر بارک اوباما اور جارج ڈبلیو بش، سابق وزرائے خارجہ جیمس بیکر، کونڈولیزا رائس، میڈلین البرائٹ اور ہیلری کلنٹن بھی موجود تھیں۔
