نائیجیریا کے تجارتی شہر لاگوس میں یکم نومبر کو منہدم ہونے والی 21 منزلہ عمارت میں جان کی بازی ہارنے والوں کی تعداد 43 ہو گئی۔
قومی میڈیا رپورٹس کے مطابق، نائیجیرین ریڈ کراس کے اہلکار سیگن اکاندے نے ایک بیان میں کہا کہ یکم نومبر کو لاگوس کے اکوئی ضلع میں 21 منزلہ عمارت کے منہدم ہونے کے بعد ملبے کے نیچے سے ملنے والی لاشوں کی تعداد 36 سے بڑھ کر 43 ہو گئی۔
اکاندے نے کہا کہ عمارت کا رئیل اسٹیٹ ایجنٹ حادثے میں ہلاک ہونے والوں میں شامل تھا اور 2 نومبر سے ابتک کی امدادی کاروائیوں میں کسی شخص کو زندہ نہیں بچایا جا سکا گیا۔
یہ بتاتے ہوئے کہ حادثے کے دن 9 افراد کو ملبے تلے سے زخمی نکالا جا سکا گیا تھا، اکاندے نے کہا کہ زخمیوں کا علاج علاقے کے اسپتال میں جاری ہے۔
عمارت کے منہدم ہونے کی وجہ کا تا حال تعین نہیں ہو سکااور لگژری اپارٹمنٹس اور مکانات موجود ہونے والے 360 ڈگری ٹاورز کے ملبے تلے آنے والوں کی صحیح تعداد کا تعین نہیں ہو سکا۔
لاگوس بلڈنگ کنٹرول ایجنسی کے جنرل مینجر گبولہان اوکی نے ایک بیان میں کہا کہ حکومت نے ٹھیکیدار کو 15 منزلہ عمارت کی اجازت دی تھی لیکن 21 منزلہ عمارت کی تعمیر کی گئی۔ٹھیکیدار کو حراست میں لے کر قانون کے حوالے کر دیا گیا ہے۔
