دوحہ (انٹرنیشنل ڈیسک) سعودی ولی عہد محمد بن سلمان بن عبدالعزیز نے امیر قطر شیخ تمیم بن حمد الثانی کو اہم پیغام بھیجا ہے۔ بین الاقوامی خبررساں اداروں کے مطابق سعودی عرب اور قطر میں معمولات معمول پر آنے کے بعد سعودی ولی عہد نے امیرقطر کو تعلقات مضبوط بنانیکا پیغام بھیجا ہے۔ شہزادہ محمدبن سلمان نے پیغام دوحہ میں تعینات سعودی سفیر کے ہاتھ بطور خط بھیجا اور سفیر نے امیرقطر سے ملاقات میں ان تک پہنچایا۔ اس موقع پر سعودی سفیر نے ولی عہد کی جانب سے قطری عوام کی ترقی و خوشحالی اور نیک خواہشات کا اظہار کیا۔
