بھوپال (انٹرنیشنل ڈیسک) بھارتی ریاست مدھیہ پردیش کے اسپتال کے بچوں کے وارڈ میں اچانک آگ بھڑک اْٹھی ، جس کے نتیجے میں 4 نومولود جاں بحق اور کئی معصوم جھلس کر زخمی ہوگئے۔ بھارتی میڈیا کے مطابق بھوپال کے کملا نہرو اسپتال کی تیسری منزل میں بچوں کے انتہائی نگہداشت کے وارڈ میں آتشزدگی کا واقعہ پیش آیا۔ آگ لگتے ہی وارڈ میں ہر طرف دھواں پھیل گیا جس کی وجہ سے کئی بچے سانس لینے میں دقت کے باعث بے ہوش ہوگئے۔ فائر بریگیڈ کے عملے نے 2 گھنٹے کی جدوجہد کے بعد آگ پر قابو پا لیا۔
