اقوام متحدہ کے خصوصی مندوب برائے یمن ہانس گرنڈبیرگ نے کہا ہے کہ یمن میں قیام امن کی کوششیں مشکلات کی شکار ہیں۔
عالمی مندوب کا یہ بیان ایک ایسے موقع پر سامنے آیا ہے جب یمن کے شمالی حصے میں سعودی اتحادی طیاروں کے فضائی حملوں میں 115 حوثی باغیوں کی ہلاکت کی اطلاعات ہیں۔
سویڈیش سفارت کار نے عالمی مندوب برائے یمن کا منصب ابھی ستمبر ہی میں سنبھالا ہے۔
ان کی جانب سے یہ تبصرہ یمنی شہر تعز کے دورے کے موقع پر سامنے آیا۔
مندوب کا کہنا تھا کہ عسکری کارروائیوں کی وجہ سے بڑے پیمانے پر انسانی جانوں کا ضیاع ہو رہا ہے اور امن کی کوششوں کو نقصان پہنچ رہا ہے۔
