اسلام آباد: پیپلز پارٹی کی رہنما اسمبلی شازیہ عطا مری نے کہا ہے کہ حکومت نے پیشگی شکست دیکھ کر پارلیمان کا مشترکہ اجلاس موخر کرکے راہِ فرار اختیار کرلی، حکومت کا پارلیمان کے مشترکہ اجلاس سے بھاگنا بوکھلاہٹ کا ثبوت ہے۔
پارلیمان کے مشترکہ اجلاس سے بھاگنے پر حکومت پر کڑی تنقید کرتے ہوئے شازیہ مری نے کہا کہ وزیراعظم پارلیمان میں اپنی اہمیت کھوچکے ہیں اورحکومتی اراکین تک کی مکمل حمایت عمران خان کو دستیاب نہیں۔
انہوں نے مزید کہا کہ پی ٹی آئی کے اراکین پارلیمان خود حکومت سے بیزار ہوچکے ہیں، اب عمران خان کا چل چلاو ہے جبکہ عمران خان نہ عوام کا سامنا کرسکتے ہیں اور نہ پارلیمان میں عوامی نمائندوں کا سامنا کرسکتے ہیں۔
