اسٹاک ہوم(جسارت نیوز)پاکستان کے نامور ٹینس اسٹار اعصام الحق قریشی اور ان کے ہالینڈ کے جوڑی دار جین جولین راجر نے اسٹاک ہوم اوپن ٹینس ٹورنامنٹ مینز ڈبلز مقابلوں کے کوارٹر فائنل کیلئے کوالیفائی کرلیا ۔مینز ڈبلز مقا بلوں کے ابتدائی رائونڈ میں پاکستان کے نامور ٹینس اسٹار اعصام الحق قریشی اور ان کے ہالینڈ کے جوڑی دار جین جولین راجر شاندار کارکردگی کا مظاہرہ کرتے ہوئے فرانس کے فیبریس مارٹن اور ان کے مناکو کے جوڑی دار ہوگو نیس کو اسٹریٹ سیٹس میں 4-6 اور 4-6 سے شکست دے کر کوارٹر فائنل کے لیے کوالیفائی کرلیا۔ اعصام الحق کا کوارٹر فائنل میں مقابلہ یوروگوئے کے ایریل بہار اور ان کے ایکواڈور کے جوڑی دار گونزالو ایسکوبارسے ہوگا۔
