مقبوضہ بیت المقدس (انٹرنیشنل ڈیسک) فلسطینی رہما یاسرعرفات کی برسی کے موقع پر مقبوضہ مغرب کنارے کے وسطی شہر رام اللہ میں نکالی جانے والی ریلی پر قابض اسرائیلی فوج نے طاقت کا وحشیانہ استعمال کیا جس کے نتیجے میں 46 فلسطینی زخمی ہوگئے ۔ ہلال احمر سوسائٹی کے مطابق اس کے عملے نے آنسو گیس سے 26 اور ربڑ کی گولیوں سے 14 زخمیوں کا علاج کیا۔ ان میں سے بعض کو شدید نوعیت کی چوٹیں آئی تھیں اور انہیں رام اللہ کے اسپتال منتقل کیا گیا ہے۔
