لندن (انٹرنیشنل ڈیسک) برطانیہ میں پارلیمان کے اسپیکر نے وزیراعظم بورس جانسن کو جھاڑ پلادی۔ ذرائع ابلاغ کے مطابق برطانوی وزیراعظم نے اپوزیشن رہنما کی تقریر کے دوران مداخلت کی تو اسپیکر لنزے ہوئل برہم ہوگئے اور بورس جانسن کو ٹوک دیا۔ اسپیکر لنزے ہوئل نے جرأت کا مظاہرہ کرتے ہوئے کہا کہ آپ ملک کے وزیراعظم ہیں، لیکن یہاں کا انچارج میں ہوں۔ جواب میں برطانوی وزیراعظم نے مداخلت بند کردی اور بیٹھ گئے۔ واضح رہے کہ برطانوی وزیر اعظم بورس جانسن کو اپنی حمایت کے لیے رشوت دینے کے الزامات کا سامنا ہے۔
