امریکہ میں چین کے سفیر چھن گانگ نے چینی طالب علم ژینگ شا شیونگ کی ہلاکت پر افسوس کا اظہار کرتے ہوئے امریکہ میں چینیوں کو نفرت اور زینوفوبیا سے تحفظ فراہم کرنے کا مطالبہ کیا ہے۔چھن نیاپنے بیان میں شکاگو میں چینی طالب علم ژینگ شا شیونگ کے قتل پر گہرے دکھ اور افسوس کا اظہار کرتے ہوئے مقتول کے والدین سے دلی تعزیت کی۔ انہوں نے کہا کہ شکاگو میں چینی قونصلیٹ جنرل اس افسوسناک واقعہ کے بعد کے معاملات حل کرنے میں غمزدہ خاندان کی مدد کررہا ہے۔
ہم اس معاملے میں انصاف اور امریکہ میں چینیوں کو نفرت ا ور سینوفوبیا سے تحفظ فراہم کرنے کا مطالبہ کرتے ہیں۔ژینگ کو 9 نومبر کو شکاگو کے ہائیڈ پارک میں ڈکیتی کی واردات کے دوران گولی مار کر قتل کردیا گیا تھا۔ اس کی عمر صرف 24 سال تھی۔چین کے جنوب مغربی صوبے سیچھوانگ سے تعلق رکھنے والے ژینگ 2019 کے موسم خزاں میں ہانگ کانگ یونیورسٹی سے شکاگو آئے تھے ، اور رواں سال جون میں شکاگو یونیورسٹی سے اس نے شماریات میں ماسٹر ڈگری حاصل کی تھی۔
