لاہور: مسلم لیگ ن کی نائب صدر مریم صفدر اپنے بیٹے کے ولیمے کے سلسلے میں مصروف ہوں گی جس کے باعث وہ سیاسی سرگرمیوں میں حصہ نہیں لیں گی۔
ن لیگ کی ترجمان مریم اورنگزیب نے کہا کہ جنید صفدر کا ولیمہ 17 دسمبر کو لاہور میں ہو گا جس کی تیاریاں جاری ہیں، اسی وجہ سے مریم صفدر سیاسی سرگرمیوں میں حصہ نہیں لے سکیں گی۔
خیال رہے کہ مریم صفدر کے بیٹے کا نکاح لندن میں ہوا تھا، جس میں جانے کے لیے انہوں نے حکومت سے باہر جانے کی اجازت مانگی تھی لیکن حکومت نے ملک کے اندر کیس چلنے کی صورت میں اجازت دینے سے انکار کردیا تھا۔
