ابوظبی (انٹرنیشنل ڈیسک) امارات کے شہر ابوظبی کی پولیس نے بیمار بچے کو ایک دن کے لیے پولیس چیف بنا کر اس کی خواہش پوری کردی۔ پولیس نے بیمار بچے کو وردی پہنا کر استقبالیہ بھی دیا ۔ 9 سالہ خلیفہ نے ابوظبی کے رودہ پولیس اسٹیشن میں اپنا خواب پورا کیا۔ بچے کو پولیس اسٹیشن کا جدید کنٹرول سینٹرل دکھایا گیا اور پولیس موبائل میں سوار ہونے کی اجازت بھی دی گئی۔ پولیس سربراہ کرنل ترش محمد کعبی نے بتایا کہ اس اقدام کا مقصد بچے کو اپنا علاج جاری رکھنے کے لیے ہمت دینا ہے۔
