بگوٹا(انٹرنیشنل ڈیسک) کولمبیا کے ایئرپورٹ پر یکے بعد دیگرے2زوردار بم دھماکوں میں 3 افراد ہلاک ہوگئے ،جن میں 2 پولیس اہلکار بھی شامل ہیں۔عالمی خبر رساں ادارے کے مطابق کولمبیا کے شہر کوکوتا کے کامیلو ڈیزا ایئرپورٹ کے رن وے پر 2 زوردار بم دھماکے ہوئے ۔ ہلاک ہونے والے دونوں اہلکار باردوی سرنگوں کو ناکارہ بنانے کے ماہر سمجھے جاتے ہیں۔ ہلاک ہونے والا تیسرا شخص حملہ آور تھا تاہم اس کی شناخت نہیں ہوسکی ہے۔ حملے کی ذمے داری کسی گروہ نے قبول نہیں کی ہے۔ واضح رہے کہ شہر کوکوتا وینزویلا کی سرحد کے قریب واقع ہے ۔
