کراچی: نیشنل ووینام مارشل آرٹس چیمپئن شپ سندھ کے کھلاڑیوں نے جیت لی۔ گولڈ، سلور اور برائونز میڈل اپنے نام کرلئے۔ تفصیلات کے مطابق پنجاب کے شہر ننکانہ صاحب میں منعقد ہونے والی چیمپئن شپ میں سندھ سے تعلق رکھنے والے طارق حمید نے 51Kg میں KPK کے کھلاڑی واجد کو دوسرے رائونڈ میں ہرا کر گولڈ میڈل کا اعزاز حاصل کرلیا۔ سلمان خان نے 60kg میں اپنے حریف حیدر علی کو شکست دے دی۔ سندھ ووینام ٹیم کوچ محمد وسیم نے کہا کہ آئندہ سال بھی نیشنل مارشل آرٹس چیمپئن شپ میں بھی کامیابی کیلئے پر امید ہیں۔ مینیجر امر اللہ نے کہا کہ کھلاڑیوں کی حوصلہ افزائی کیلئے کیش پرائز بھی ملنا چاہئے۔ مارشل آرٹس کھلاڑیوں کا مستقبل روشن ہے۔ سندھ ووینام ایسوسی ایشن کے صدر قطب الدین نے کہا کہ آئندہ نیشنل مارشل آرٹس چیمپئن شپ کا انعقاد سندھ کا حق ہے۔ مارشل آرٹس کے فروغ کیلئے حکومتی سرپرستی ضروری ہے۔ جنرل سیکریٹری گوہر گل نے کہا کہ کھلاڑیوں کی حوصلہ افزائی کیلئے حکومت کی جانب سے سرپرستی اور کیش پرائزز کی فراہمی ضروری ہے۔ اس موقع پر کوچ محمد وسیم اور خاتون آفیشل عمامہ وسیم بھی موجود تھے۔
