برسلز (انٹرنیشنل ڈیسک) بلجیم کی حکومت نے ملک کے 7ایٹمی بجلی گھر 2025ء تک مکمل طورپر بند کر نے کا فیصلہ کرلیا۔ حکومت کی جانب سے جاری بیان میں کہا گیا کہ نیوکلیئر پاور ٹیکنالوجی پر کام جاری رہے گا ۔ اس سلسلے میں چھوٹے ایٹمی ری ایکٹروں پر تحقیق کے لیے 10کروڑ یورو مختص کیے جائیں گے۔ یاد رہے کہ بلجیم کا 7جماعتی حکومتی اتحاد کئی ہفتوں سے اس معاملے پر مباحثہ کر رہا تھا۔ بلجیم کی گرین پارٹی خاص طور پر چاہتی ہے کہ ملک میں جوہری توانائی سے بتدریج چھٹکارا پایا جائے۔
