طالبان حکومت نے افغانستان کا الیکشن کمیشن ختم کردیا ہے ۔
خبر کے مطابق، افغان حکومت کے نائب ترجمان بلال کریمی نے ملکی آزاد انتخابی کمیشن کو ختم کرنے کی تصدیق کی اورکہاکہ افغان الیکشن کمیشن کی ابھی کوئی ضرورت نہیں۔
ان کا کہنا تھاکہ ضرورت پڑی تو الیکشن کمیشن دوبارہ بنا لیں گے۔
طالبان کی جانب سے تحلیل کردہ انتخابی کمیشن کے سربراہ اورنگزیب نے کہا کہ طالبان نے الیکشن کمیشن ختم کرنے میں جلد بازی سے کام لیا ہے، اس اقدام کے سنگین نتائج ہوں گے۔
ان کا کہنا تھاکہ افغانستان میں انتخابات کے انعقاد کیلئے آزاد الیکشن کمیشن اورآزاد الیکٹورل کمپلینٹ کمیشن کام کرتا تھا۔
