چترال (صباح نیوز) چترال لواری ٹنل اور دیر روڈ پر بھی شدید برفباری کے باعث مسافر اور سیاحوں کی گاڑیوں کی لمبی قطاریں لگ گئیں‘ ملک کے بالائی علاقوں میں شدید بارش اور برفباری کے باعث شہریوں کی مشکلات میں اضافہ ہوگیا‘ برفباری کی وجہ سے چترال لواری ٹنل اور دیر روڈ پر بھی گاڑیاں پھنس گئیں۔ ضلعی انتظامیہ کا کہنا ہے کہ مشینری کی مدد سے برف ہٹانے کا کام جاری ہے تاہم گاڑیوں میں بیٹھے بچوں اور خواتین کو محفوظ مقام پر پہنچا دیا گیا ہے۔ چترال پولیس نے خراب موسم اور شدید برفباری کے پیش نظر سیاحوں کو چترال کی طرف سفر کرنے سے منع کردیا۔
