سری نگر (اے پی پی) غیر قانونی طور پر بھارت کے زیر قبضہ جموں و کشمیر میں قابض انتظامیہ نے صحافت کا گلا گھوٹنے کے لیے مقبوضہ علاقے میں صحافیوںکی سب سے بڑی تنظیم کشمیر پریس کلب کی رجسٹریشن منسوخ کرنے کے علاوہ کلب کی عمارت اسٹیٹس ڈیپارٹمنٹ کے حوالے کردی ہے۔ کشمیر میڈیا سروس کے مطابق قابض انتظامیہ کے ترجمان نے صحافیوں کے مختلف گروپوں کے درمیان پیش آنے والے خود ساختہ غیرخوشگوار واقعے کا حوالہ دیتے ہوئے کہا کہ کشمیر پریس کلب کی رجسٹریشن منسوخ کرنے کے علاوہ کلب کی عمارت اسٹیٹس ڈیپارٹمنٹ کے حوالے کرنے کا فیصلہ کیا گیا ہے۔
