کراچی (اسٹاف رپورٹر) سندھ ہائیکورٹ نے چودھری اسلم حملہ کیس و دیگر مقدمات میں ملٹری کورٹ سے سزا یافتہ مجرم فاروق بھٹی کے علاج کی فراہمی سے متعلق درخواست پر جیگ برانچ کو فاروق بھٹی کو علاج کی سہولت فراہم کرنے کا حکم دیدیا۔ عدالت کا کہنا تھا کہ ملزم کی اہلخانہ سے شیڈول کے مطابق ملاقات بھی کرائی جائے، ملزم کے بھی بنیادی حقوق ہوتے ہیں۔ ملزم کی سزائے موت پر رحم کی اپیل صدر پاکستان کے پاس زیر التوا ہے۔
