کراچی(اسٹاف رپورٹر)لاہور قلندرز اور پشاور زلمی نے پاکستان سپر لیگ 7 کے لیے اپنے متبادل کھلاڑیوں کا انتخاب کرلیا۔ لاہور قلندرز نے پی ایس ایل 7 کے ابتدائی 3 میچز کے لیے بیٹر ہیری بروک کی جگہ بولر میتھیو پوٹس کو متبادل کھلاڑی کی حیثیت سے منتخب کرلیا۔ پشاور زلمی نے فاسٹ بولر عامر خان کی جگہ لیفٹ آرم اسپنر آرش علی خان کو اسکواڈمیں شامل کرلیا۔عامر خان انجری کے باعث ٹورنامنٹ سے باہر ہوگئے۔ پی ایس ایل 7 کی ایونٹ ٹیکنکل کمیٹی نے ان دونوں کھلاڑیوں کی بطور متبادل کھلاڑی منظوری دے دی۔ ڈائریکٹر انٹرنیشنل کرکٹ ذاکر خان کی سربراہی میں قائم کردہ اس کمیٹی میں ڈائریکٹر ہائی پرفارمنس ندیم خان اور سمیر کھوسہ شامل ہیں۔
