واشنگٹن: امریکی صدر جوبائیڈن نے روس کو یوکرین پر حملے کے حوالے سے سخت تنبیہہ کرتے ہوئے کہا ہے کہ روسی فوج کا کسی بھی قسم کا داخلہ حملہ سمجھا جائے گا۔
غیر ملکی خبر رساں ادارے کے مطابق بطور امریکی صدر وائٹ ہاؤس میں ایک سال مکمل ہونے پر جوبائیڈن نے گزشتہ روز پریس کانفرنس کرتے ہوئے کہا کہ یوکرین میں روسی فوج کا کسی بھی قسم کا داخلہ حملہ سمجھا جائے گا اور اس طرح کے حملے کا ردعمل شدید، مربوط اور اقتصادی ہوگا۔
جوبائیڈن نے دوران گفتگو روسی صد کو بھی خبردار کرتے ہوئے کہا کہ پیوٹن نے یوکرین میں فوجی مداخلت کا انتخاب کیا تو روس کو بھاری قیمت چکانا پڑیگی ۔
