ٹوکیو(انٹرنیشنل ڈیسک) جاپان کے جنوب مغربی حصے میں زلزلے کے شدید جھٹکوں سے شہریوں میں خوف و ہراس پھیل گیا۔ خبررساں اداروں کے مطابق ریکٹر اسکیل پر زلزلہ کی شدت 6.4 ریکارڈ کی گئی۔ زلزلے سے 10 سے زائد افراد زخمی ہو ئے، جب کہ کئی مکانات کو نقصان بھی پہنچا۔ دوسری جانب انڈونیشیا کے شمالی صوبے سولاویسی میں بھی ہفتے کے روقز زلزلے کے شدید جھٹکے محسوس کیے گئے،جن کی شدت ریکٹر اسکیل پر 6.1 ریکارڈ کی گئی۔مقامی حکام کی جانب سے سونامی کی کوئی وارننگ جاری نہیں کی گئی ہے۔
