ممبئی (انٹرنیشنل ڈیسک) بھارتی شہر ممبئی میں عمارت میں آتش زدگی کے نتیجے میں 7افراد ہلاک اور 15زخمی ہو گئے ہیں۔ خبررساں اداروں کے مطابق ممبئی کی کثیر منزلہ عمارت میں حادثہ ہفتے کے روز صبح پیش آیا۔ امدادی کارکنوں نے فوری کارروائی کرتے ہوئے آگ پر قابو پا لیا ہے ۔ اس دوران عمارت کی بالائی حصے میں پھنسے افراد کو نکال لیا گیا۔ حکام کا کہنا ہے کہ ابتدائی طور پر آگ لگنے کی وجہ معلوم نہیں ہو سکی ،تاہم اس حوالے سے تفتیش جاری ہے۔
