کراچی (اسٹاف رپورٹر)کوئٹہ گلیڈی ایٹرز کے اسٹارآل رائونڈر شاہد آفریدی ٹیم میں شامل ہوگئے ہیں۔ پاکستان سپر لیگ (پی ایس ایل) سیزن 7کی فرنچائزڈ کوئٹہ گلیڈی ایٹرز کے ٹیم منیجر اعظم خان نے منگل کو بتایا کہ ا سٹار آل رائونڈر شاہد آفریدی اینٹیجن ریپڈ ٹیسٹ منفی آنے کے بعد ٹیم میں شامل ہو گئے ہیں۔ دریں اثنا، جیسن رائے اور جیمز ونسآج ٹیم میں شامل ہوجائیں گے جبکہ نور احمد افغانستان کی آئی سی سی انڈر 19 ورلڈ کپ کے بعد ٹیم میں شامل ہوں گے۔
