کراچی(اسٹاف رپورٹر)آل پاکستان انٹر بورڈ کرکٹ ٹورنامنٹ (بوائز) کا آغاز 22فروری 2022ء سے ڈیرہ اسماعیل خان خیبر پختونخوا میں شروع ہو رہا ہے۔ چیئرمین میٹرک بورڈ سید شرف علی شاہ کی خصوصی ہدایت کے مطابق اس ٹورنامنٹ میں صرف بورڈ سے الحاق شدہ نہم ودہم جماعت کے طلباء حصہ لے سکتے ہیں۔ انہوں نے کہا کہ کرکٹ ٹورنامنٹ کیلئے(بوائز) کے ٹرائلز منگل15فروری کو بختیاری یوتھ سینٹر نارتھ ناظم آباد (انٹر بورڈ آفس) میں لیے جائیں گے۔ اسکولوں کے سربراہان اپنے تصدیق شدہ اتھارٹی لیٹر اور طلباء کو مکمل کرکٹ کٹ کے ساتھ لے کر بختیاری یوتھ سینٹر نارتھ ناظم آباد میں 15فروری کی صبح رپورٹ کریں۔
