لاہور(جسارت نیوز)قومی کرکٹر حارث رئوف نے فوج میں جانے کے حوالے سے اپنی خواہش کا اظہار کیا ہے۔پی ایس ایل کے سوشل میڈیا اکائونٹ پر ایک ویڈیو شیئر کی گئی ہے جس میں حارئوث رف کو اپنی پسند وناپسند سے متعلق بات کرتے دیکھا جاسکتا ہے۔شخصیت کو 3 جملوں میں بیان کرنے سے متعلق حارث نے بتایا کہ وہ جھگڑالو، سادہ اور ایماندار ہیں جب کہ انہیں ٹیم میں ہیری کے نام سے پکارا جاتا ہے۔ایک سوال کے جواب میں حارث رف نے کہا کہ انہیں فوج بہت پسند تھی اسی لیے وہ آئی ایس ایس بی(انٹر سروس سلیکشن بورڈ) کا امتحان بھی دے چکے ہیں لیکن ان کا فوج میں سلیکشن نہ ہوسکا۔
