مقبوضہ بیت المقدس (انٹرنیشنل ڈیسک) امریکی ایوانِ نمایندگان کی اسپیکر نینسی پلوسی نے مقبوضہ مغربی کنارے میں فلسطینی صدر محمود عباس سے ملاقات کی۔ محمود عباس کے دفتر کے مطابق اس ملاقات میں دو ریاستی حل کے لیے مذاکراتی عمل پر بات چیت کی گئی۔ حالیہ چند برسوں میں کسی اہم امریکی عہدیدار کی صدر محمود عباس سے یہ پہلی ملاقات تھی۔ 86 سالہ صدر عباس نے امریکا سے مطالبہ کیا کہ وہ اسرائیل حکومت کی جانب سے تشدد اور فلسطینیوں کے گھر مسمار کرنے کے سلسلے کو روکے تاکہ دو ریاستی حل کے سلسلے میں پیش رفت ہو سکے۔
