لندن (انٹرنیشنل ڈیسک) برطانیہ میں طوفان ڈیڈلی اور یونائس کے بعد فرینکلن سے نظام زندگی متاثر ہے۔ طوفان کے باعث ہزاروں خاندان بجلی سے محروم ہوگئے،جب کہ رہایشی علاقوں میں پانی آنے کے بعد سیلاب کی وارننگ جاری کردی گئی ہے۔ غیرملکی میڈیا کے مطابق 80 میل فی گھنٹہ کی رفتار سے چلنے والی ہواؤں اور بارش نے شہریوں کو گھروں میں محصور کردیا ہے۔ کچھ علاقوں میں سیلاب کے باعث لوگ عارضی طور پر اپنے گھروں کو بھی چھوڑ کر چلے گئے ہیں۔اس سے قبل طوفان کے نتیجے میں 9 افراد ہلاک ہوگئے تھے۔
