لاہور: سابق صدر آصف علی زرداری امیر جماعت اسلامی پاکستان سراج الحق سے ملاقات جاری ہے۔
میڈیا رپورٹس کے مطابق سابق صدر آصف علی زرداری امیر جماعت اسلامی پاکستان سراج الحق سے ملاقات کے لیے جماعت کے مرکز منصورہ پہنچے، منصورہ پہنچنے پر امیر جماعت اسلامی نے ان کا استقبال کیا، جس کے بعد دونوں رہنماؤں میں ملاقات جاری ہے۔
ملاقات میں حکومت کے خلاف فیصلہ کن تحریک اور لانگ مارچ سمیت موجودہ سیاسی صورت حال پر مشاورت کی جائے گی۔ آصف علی زرداری جماعت اسلامی سے تحریک عدم اعتماد پر حمایت مانگیں گے، جماعت اسلامی کے رکن قومی اسمبلی مولانا عبد الاکبر چترالی کس کو ووٹ دیں گے ، فیصلہ سراج الحق آصف زرداری سے ملاقات میں کریں گے۔
