قاہرہ (انٹرنیشنل ڈیسک) ہنگری کے وزیر خارجہ پیٹر سجارتو نے یورپ کی طرف تارکین وطن کا بہاؤ روکنے سے متعلق مصری کوششوں کی قابل تحسین قرار دے دیا۔ انہوں نے یورپی یونین پر زور دیا ہے کہ وہ مصرکی امداد کے سلسلے میں حمایت کرے۔ مصر کے دورے کے دوران پیٹر سجارتو نے اپنے مصری ہم منصب سامح شکری سے ملاقات بھی کی۔ ذرائع ابلاغ کے مطابق شمالی افریقا کو مشرق وسطیٰ سے ملانے والا ملک مصر یورپ کی طرف بڑھتے ہوئے تارکین وطن کے سیلاب کو ممکنہ حد تک کم کرنے کی کوشش میں مصروف ہے۔
