یوکرین، جہاں روس نے 24 فروری کو فوجی آپریشن شروع کیا، نے اطلاع دی ہے کہ 3500 سے زیادہ روسی فوجیوں کو بے اثر کر دیا گیا ہے اور 14 جنگی طیارے، 8 ہیلی کاپٹر، 102 ٹینک اور 536 بکتر بند گاڑیاں تباہ کر دی گئی ہیں۔
یوکرین کے جنرل اسٹاف کی جانب سے جاری کردہ بیان میں کہا گیا ہے کہ روس نے یوکرین کے ساتھ اپنی سرحد پر واقع علاقوں میں اضافی فوجی کمک کو جمع کرنا شروع کر دیا ہے۔
بیان میں کہا گیا ہے کہ روسی فوج کے نقصانات میں اضافہ ہوا ہے۔
"روسی فوجیوں کے تخمینہ نقصانات میں 14 طیارے، 8 ہیلی کاپٹر، 102 ٹینک، 536 بکتر بند گاڑیاں، 15 توپ خانے اور ‘بک’ میزائل سسٹم شامل ہیں۔‘‘
یوکرین کے صدارتی دفتر کے نائب سربراہ میخائل پودولیاک نے اپنے ملک کی صورتحال کے بارے میں ایک بیان میں کہا ہے کہ کھیرسن، میکولائیف، اودیسا اور ماریوپول شہروں میں جھڑپیں جاری ہیں۔
اس بات کی طرف اشارہ کرتے ہوئے کہ یوکرین کی مسلح افواج اور پولیس ملک میں حالات کو کنٹرول میں رکھے ہوئے ہیں، پودولیاک نے زور دیا کہ دارالحکومت کیف اور جوار کے علاقے میں بھی حالات قابو میں ہیں۔
انہوں نے مزید بتایا کہ "آج صبح تک، 3500 سے زائد روسی فوجی مارے گئے ہیں اور 200 کو گرفتار کر لیا گیا ہے۔”
