کراچی : سندھ حکومت نے شب معراج کی مناسبت سے منگل کو صوبے بھر میں تعلیمی اداروں میں عام تعطیل کا اعلان کیا ہے۔
میڈیا رپورٹس کے مطابق سندھ کے سیکریٹری تعلیم غلام اکبر لغاری نے اپنے جاری کردہ بیان میں کہا ہے کہ کل منگل یکم مارچ کو شب معراج کے پیش نظر صوبے کے تمام تعلیمی اداروں میں چھٹی ہوگی اور تعلیمی ادارے بند رہیں گے۔
سیکریٹری تعلیم نے کہا ہے کہ محکمہ تعلیم کی طرف سے طے کردہ سالانہ سرکاری چھٹیوں کی منظوری اسٹیئرنگ کمیٹی کے حالیہ اجلاس میں بھی دی گئی جس کے مطابق کل 27 رجب یکم مارچ کو تمام تعلیمی ادارے بند رہیں گے۔
