راولپنڈی(نمائندہ خصوصی) پاکستان اور آسٹریلیا کے مابین سیریز کا پہلا ٹیسٹ میچ 4 مارچ سے راولپنڈی کے تاریخی اسٹیڈیم میں شروع ہوگا۔ قومی کرکٹ ٹیم نے 24 سال بعد پاکستان کا دورہ کرنے والی آسٹریلوی ٹیم کے خلاف بھرپور تیاریاں شروع کررکھی ہیں تاہم سیریز کا پہلے ٹیسٹ میچ میں شدید بارش کی پیشگوئی کی گئی ہے۔محکمہ موسمیات کا کہنا ہے کہ بارش پاکستان اور آسٹریلیا کے درمیان پہلے ٹیسٹ کو متاثر کرسکتی ہے۔ 5 روزہ میچ کے پہلے دو دنوں کی پیشنگوئی واضح ہے لیکن آخری3 دنوں میں ہلکی سے درمیانی بارش متوقع ہے۔
