بیجنگ (انٹرنیشنل ڈیسک) چین نے امریکی وفد کے دورئہ تائیوان کی مذمت کردی۔ وزارت خارجہ کے ترجمان وانگ وین بن نے کہا کہ امریکا جسے بھی تائیوان کی حمایت کا مظاہرہ کرنے کے لیے بھیجے گا وہ ناکام ہو کر رہے گا۔واضح رہے کہ امریکی وفد میں جارج بش اور اوباما کی انتظامیہ کے سابق عہدیدار شامل ہیں۔ تائیوان کے ہوائی اڈے پر امریکی وفد کا پرتپاک استقبال کیا گیا۔ جوائنٹ چیفس آف سٹاف کے سابق چیئرمین مائیک میولن 5رکنی وفد کی قیادت کر رہے ہیں، جو 2روزہ دورے کے دوران تائیوان کی صدر سائی انگ وین اور دیگر اعلیٰ حکام سے ملاقات کرے گا۔
