یوکرین میں پاکستانی سفارتخانے کی جانب سے روسی حملے کے نتیجے میں ملک میں پھنسے بھارتی طلبہ کو پناہ دینے کے فیصلے نے بہت سے دل جیت لیے ہیں۔
یوکرین میں پھنسے پاکستانی طلبہ کو پاکستانی سفارتخانہ نکال رہا ہے، یوکرین میں جاری جنگ اور پورے مشرقی یورپی ممالک میں افراتفری کے دوران ایک بھارتی طالب علم نے بڑی زبردست ویڈیو شیئر کی ہے۔
Indian embassy officials are missing at the Romanian border. Pakistan Embassy helping Indian students to escape war in the Ukraine! pic.twitter.com/MG0cmf9LYV
— Ashok Swain (@ashoswai) March 2, 2022
ویڈیو میں پاکستانی سفارت خانے کے اندر بھارتی طلبہ کا ایک گروپ دکھایا گیا ہے، یوکرین میں پاکستانی سفارت خانے نے ان بھارتی طلبہ کو ایک ایسے وقت میں پناہ دی جب انہیں خارکیو سے لیویو جانے کے لیے بھارتی سفارت خانے نے مدد کرنے سے انکار کردیا تھا۔
Great gesture from Pakistan embassy
They are helping indian Students to reach Romania border and also providing food . #AirIndia #IndianStudent pic.twitter.com/dBQ86lIwi9— Himanshu Narayan (@H_narayan_) March 2, 2022
بھارت کے معروف صحافی و پروفیسر اشوک سوین نے بھی ایک ویڈیو ٹوئٹر پر شیئر کی جس میں بتایا گیا کہ رومانیہ کی سرحد پر بھارتی سفارتخانے کا عملہ نہیں تھا لہذا ایسے میں پاکستانی سفارتخانے نے بھارتیوں کی مدد کی۔
پاکستانی سفارتخانے کی جانب سے اس اقدام کو عالمی سطح پر پزیرائی مل رہی ہے اور طلبہ یوکرین میں تعینات پاکستانی سفیر نوئیل کھوکھر کو خراج تحسین پیش کررہے ہیں۔
