لاہور: تحریک انصاف کے ناراض رہنما جہانگیر ترین کو ڈاکٹرز نے فوری سفر سے منع کردیا ہے، جس کے بعد انہوں نے پاکستان واپسی موخر کردی۔
میڈیا رپورٹس کے مطابق تحریک انصاف کے ناراض رہنما جہانگیر ترین کی رواں ہفتے پاکستان واپسی متوقع تھی، تاہم اب ان کی پاکستان واپسی مزید مؤخر ہوگئی ہے، کیوں کہ ڈاکٹرز نے انہیں فوری سفر سے منع کردیا ہے۔
خاندانی ذرائع کا کہنا ہے کہ جہانگیر ترین کو طبیعت کی ناسازی کے باعث ڈاکٹرز نے آرام کا مشورہ دیا ہے، جہانگیر ترین مزید 8 سے 10 دن برطانیہ میں قیام کریں گے۔
