کولمبو (انٹرنیشنل ڈیسک) سری لنکا میں مالیاتی بحران کے دوران کاغذ کی شدید قلت کے باعث اسکولوں کے امتحانات غیر معینہ مدت تک کے لیے ملتوی کر دیے گئے ۔ خبررساںاداروں کے مطابق سری لنکا کے اسکولوں میں امتحان پیر کے روز سے ہونے تھے۔ سری لنکا کے زر مبادلہ کے ذخائر میں کمی کے باعث ایندھن ، خوراک اور ادویات کے شعبوں کے بعد اب تعلیم بھی بری طرح متاثر ہورہی ہے۔ حکام کا کہنا ہے کہ زرمبادلہ کی کمی کے باعث امتحانات کے لیے کاغذاور دیگر سامان منگوایا نہیں جاسکتا۔
