لاہور(نمائندہ خصوصی) قومی کرکٹ ٹیم کے کپتان بابر اعظم نے ون ڈے کرکٹ میں اپنے 4 ہزار رنز مکمل کرلیے ہیں۔بابر اعظم نے اپنے 83 ویں ون ڈے انٹرنیشنل میچ اور 82ویں اننگ میں 4 ہزار رنز مکمل کیے، کپتان قومی ٹیم اب تک 14 سنچریاں اور 17نصف سنچریاں اسکور کرچکے ہیں۔ بابراعظم ون ڈے کرکٹ میں دوسرے تیز ترین چار ہزار رنز اسکور کرنے والے بلے باز ہیں۔جنوبی افریقا کے ہاشم آملہ 81 اننگز میں چار رنز بناکر ٹاپ پر ہیں۔ مجموعی طور پر بابر اعظم13 ویں پاکستانی ہیں، جنہوں نے چار ہزار یا اس سے زیادہ ایک روزہ کرکٹ میں رنز بنا رکھے ہیں۔
