مقبوضہ بیت المقدس (انٹرنیشنل ڈیسک) اسرائیلی وزیر دفاع وزیر بینی گینٹز نے چاقو کے حملوں کو روکنے میں قابض ریاست کے سیکیورٹی اور فوجی اداروں کی نااہلی کا اعتراف کرلیا۔ گینٹز نے عبرانی چینل 12 کے ساتھ ایک انٹرویو میں کہا کہ اس وقت کسی ایسے شخص کو روکنا مشکل ہے جو اس وقت چاقو یا اسکریو ڈرایور لے کر گھوم رہا ہو۔انہوں نے چاقو سے حملہ کرنے والے فلسطینیوں کو شہید کیے جانے پر تنقید کے جواب میں کہا کہ ہم کوشش کررہے ہیں کہ چاقو سے ہونے والے حملے روکے جائیں ،تاہم ہم ایسا کرنے میں کامیاب نہیں ہوسکتے۔ گینٹز نے کہا کہ ملک سخت دنوں سے گزر رہا ہے۔
