غزہ (انٹرنیشنل ڈیسک) فلسطین میں اسلامی تحریک مزاحمت حماس کے سیاسی شعبے کے سربراہ اسماعیل ہنیہ نے جماعت کے اعلیٰ اختیاراتی وفد کے ساتھ امیر قطر شیخ حمد بن خلیفہ الثانی سے ملاقات کی ۔ ملاقات کے دوران فلسطین کی موجودہ صورتحال، غزہ کی پٹی میں اسرائیل کی معاشی ناکا بندی، بیت المقدس اور مغربی کنارے میں یہودی بستیوں کی تعمیر اور عرب ممالک کی طرف سے اسرائیل کے ساتھ تعلقات استوار کرنے کے حوالے سے ہونے والی پیش رفت پر تبادلہ خیال کیاگیا۔ ملاقات میں خالد مشعل، موسیٰ ابو مرزوق اور حسام بدران شامل تھے۔
