کنشاسا (انٹرنیشنل ڈیسک) افریقی ملک کانگو میں عسکریت پسندوں کے حملہ میں 21افراد ہلاک ہوگئے۔ خبررساں اداروں کے مطابق انسانی حقوق پر نگاہ رکھنے والے مقامی گروپ نے بتایا کہ کانگو کے ایک گاؤں پر رات گئے حملے میں عسکریت پسندوں نے 21 شہریوں کو ہلاک کر دیا۔ ان جنگجوؤں کا تعلق مبینہ طور پر اتحادی ڈیموکریٹک فورسز یا اے ڈی ایف سے تھا۔ اے ڈی ایف یوگنڈا کی ملیشیا کا ایک گروپ ہے جو 1990 ء سے مشرقی کانگو میں سرگرم ہے۔ یوگنڈا نے مشترکہ آپریشن کے لیے دسمبر میں فوجی کانگو بھیجے تھے۔
