سکرامنٹو (انٹرنیشنل ڈیسک) امریکی ریاست کیلی فورنیا کی پولیس دارالحکومت سکرامنٹو میں 6افراد کے قاتلوں کو پکڑنے میں کامیاب نہیں ہوسکی۔ ذرائع ابلاغ کے مطابق 2مشتبہ افراد نے اتوار کے روز شہر کے کے مرکزی علاقے میں فائرنگ کر کے 6افراد کو قتل اور 12 کو زخمی کر دیا تھا۔ مرنے والوں میں 3مرد اور 3خواتین شامل تھیں۔پولیس نے عوام سے اپیل کی ہے کہ وہ واقعے کی وڈیو اور دیگر ثبوت حکام کو فراہم کریں ، تاکہ قاتلوں تک پہنچا جا سکے۔ زخمی افراد اسپتال میں زیر علاج ہیں،تاہم ان میں بعض کی حالت تشویش ناک ہے۔
