حیدرآباد(اسٹاف رپورٹر) جاتی کی رہائشی ساجدہ کاتیار نے اپنے شوہر معشوق لونڈ کے ہمراہ حیدرآباد پریس کلب کے سامنے تحفظ کے لیے احتجاج کیا۔ انہوں نے کہاکہ مجھے کسی نے بھی اغوا نہیں کیا میں نے اپنی مرضی سے گورلاچی کے رہائشی معشوق لونڈ سے پسند کی شادی کی ہے۔ پسند کی شادی کرنے کے بعد رشتہ دار سخت ناراض ہیں اور دھمکیوں دے رہے ہیں۔ انہوںنے کہاکہ ہم نے حیدرآباد میں شادی کی ہے اور حکام سے تحفظ کی اپیل کرتے ہیں۔
