واشنگٹن (آن لائن) امریکا نے ایک بار پھر وزیراعظم عمران خان کے الزامات کی تردید کردی۔ غیر ملکی خبر رساں ادارے کے مطابق امریکی محکمہ خارجہ کی بریفنگ میں
پرنسپل ڈپٹی ترجمان جلینا پورٹر نے بتایا کہ دوٹوک الفاظ میں واضح کرنا چاہتی ہوں کہ پاکستان میں حکومت گرانے کے الزامات میں کوئی صداقت نہیں۔ انہوں نے کہا کہ پاکستان کی صورتحال کا جائزہ لے رہے ہیں۔ پاکستان میں آئینی عمل اور قانون کی حکمرانی کی حمایت کرتے ہیں تاہم الزامات میں کوئی سچائی نہیں۔
